用一部 iPhone 既價錢，可以買樓。
其實，追夢係咪會變窮?
如果我話你知，你可以做你自己鐘意做既野，唔使捱個三五七年先買到樓?
如果我話你知，你一邊追夢，一邊同時可以月入過十萬?
如果我話你知，你只要用一部 iPhone 既價錢，就可以買到樓?
等等，我唔係叫你去偷去搶，更加唔係叫你做 Financial Planner、傳銷、保險佬，係真係實實在在去做你鐘意做既事。其實只要用一部 iPhone 既價錢，已經可以 Start 到一個 Business，短短30日，已經可以每個月月入過10萬。唔信? 等我講個故仔俾你聽啦。
從前有個人叫 Felix，佢今年24歲，係一個典型香港土生土長既90後。
佢已經成功咁達成左「一部 iPhone 既價錢，就可以令每個月收入過10萬」，足足10次。佢岩岩係 HKU 讀完 Master Degree ，由上年一個人係 HKU 個 Main Lib開始創業，後來賺到小小錢租左一個200尺既 Office 。慢慢演變到依家，佢係灣仔某一間甲級寫字樓入面租左一個1500尺既 Office，有十幾位同事為佢效力。對於一個 90後既後生仔黎講，22歲先岩岩畢業，打左一兩年工，平均都只係萬幾蚊收入 ( iBanker、律師、醫生另計)，但 Felix佢只係用左一年既時間，揾到一條 Formula，而家已經 Launch 左10個項目，每個都月入過十萬。
Felix 揾到既個條 Formula (會之後再講)，可以令任何人每日淨係工作兩個鐘，都可以揾到足夠既錢。每個月去旅行既同時仲可以儲起 2-3 萬去買樓。
聽完呢個故仔之後，你會唔會覺得呢一種就係你一直夢寐以求既理想生活?
好多年輕人話香港無哂機會，無哂希望。事實上根本就唔係，而係我地太過游手好閒，Q埋雙手等人比機會。相反只要我地肯親手去創造機會。機會係香港其實隨處都有，只係我地仲未肯跳出傳統框架，去創造機會。只要你肯，月入過10萬唔再係一個夢。
新一年，今日係1月16號。我會Show比大家睇，我點樣係30日內，用一部 iPhone 既價錢 — 6000蚊，開始一門月入過10萬既 Business。
而我亦都係呢度 Challenge 大家，下個月就參考我既例子，去開始你既Business，去賺你人生第一個月既10萬，去成就你既夢想。
月賺10萬既方法有好多，去 Kickstarter Launch 項目、整網上商店、連教人整 Excel 都可以。今次我會用網上商店既方式，由聽日起我就會描述將會做既事，即係呢「30日Challenge」裡面既第一日。
去到最後我想問返大家，用一部 iPhone 既價錢，你又覺得可以係 30 日內達成到d咩夢想？ 如果你諗到d 有趣既 IDEA，或有野想問，就立即 Comment 啦。
如果想繼續睇，就 Like 我個 Page 啦。
講開又講，我都仲未自我介紹添。
大家好，我係 Felix，由今日開始，多多指教 : )
2016/02/
- 寫得偏激、引起言論，其實係有原因，詳情可見 Hidden Post 最終篇: DAY 0 (建議最後睇完晒 25篇先睇)
- 呢個 Challenge 合共至今有超過 50萬人瀏覽、合共逾 10000 Likes
- 我既個人 Facebook Page 亦於 30 日內由零 Fans 增加至 6000個 Fans。
- 同時亦於 2015/02/18號 比 Yahoo HK 刊登左係 Yahoo 首頁推介:
Comments are closed.